Уключаем фарсаж для безлімітаў: абнаўленне ўмоў абслугоўвання на тарыфных планах А1 з безлімітным інтэрнэтам і запуск паслугі «Фарсаж»

У адпаведнасці з пастановай Міністэрства сувязі і інфарматызацыі № 38, якая набывае моц з 23 лютага 2026 г., А1 інфармуе абанентаў пра абнаўленне часткі тарыфаў кампаніі, якія прадугледжваюць безлімітны інтэрнэт. Гэтак, згодна з нормамі пастановы, абанентам тарыфаў з безлімітным інтэрнэтам павінны давацца 30 ГБ інтэрнэт-трафіку без абмежавання хуткасці, далей – безлімітны інтэрнэт на хуткасці да 1 Мбіт/с.

Кампанія А1 цэніць лаяльнасць сваіх кліентаў і прапануе магчымасць працягваць карыстацца інтэрнэтам, не абмяжоўваючы свае магчымасці для камунікацыі, рашэння дзелавых пытанняў і атрымання доступу да лічбавых платформаў.

Каб захаваць станоўчы карыстальніцкі досвед і забяспечыць камфортныя ўмовы абслугоўвання, абанентам тарыфных планаў, на якія распаўсюджваецца пастанова,будзе даступна новая паслуга«Фарсаж». Гэта паслуга дазволіць карыстацца безлімітным інтэрнэтам у рамках тарыфнага плана без абмежаванняў па хуткасці. Для зручнасці карыстальнікаў паслуга будзе аказвацца без спагнання платы ў межах рэкламнай акцыі.

Абаненты са спецыяльнымі ўмовамі на мабільную сувязь у межах тарыфных планаў хатняга інтэрнэту змогуць працягваць карыстацца безлімітным інтэрнэтам без абмежаванняў па хуткасці.

Дадаткова:

З пералікам тарыфных планаў, якія будуць абноўлены, можна азнаёміцца па спасылцы.

У сувязі з усім вышэй пералічаным з 23 лютага 2026 г. будуць унесены змены ў шэраг публічных дакументаў. З іх новай рэдакцыяй можна азнаёміцца па спасылках ніжэй.