Сацыяльная адказнасць кампаніі А1 | Пра кампанію

«Мы перакананыя, што для паспяховага развіцця сучаснаму бізнесу неабходна прымаць пад увагу інтарэсы грамадства і асаблівасці навакольнага свету. Таму стратэгія А1 пабудавана на тым, каб з дапамогай тэхналогій і паслуг нашай кампаніі як мага больш людзей маглі адкрываць для сябе новыя магчымасці кожны дзень – весці экалагічны і актыўны лад жыцця, граматна кіраваць сваімі рэсурсамі, абменьвацца ведамі і ідэямі, бачыць і шанаваць унікальнасць любога чалавека. У гэтым нам дапамагае прытрымліванне міжнародных прынцыпаў ESG – экалагічнага, сацыяльнага і карпаратыўнага кіравання, якія спрыяюць не толькі ўстойліваму развіццю бізнесу, але і робяць свет вакол нас лепш.

 

Кожны праект А1, скіраваны на ахову экалогіі і выкарыстанне энергаэфектыўных рашэнняў, павышэнне лічбавай граматнасці, дапамогу дзецям, дабрачыннасць, развіццё нацыянальнай культуры, інклюзіі і грамадства роўных магчымасцяў, – гэта шанс выказацца аб тым, што важна для нас, і быць пачутымі тымі, хто ўслед за намі задумаецца аб устойлівай будучыні. І ў аснове нашага падыходу стаіць менавіта канцэпцыя ESG – арыентуючыся на адказнае стаўленне да сучаснасці і будучыні, мы ствараем праекты, якімі сапраўды ганарымся».

 

Гельмут Дуз, генеральны дырэктар А1

 

Стратэгія і кірункі

Кампанія А1 вядзе сваю дзейнасць у адпаведнасці з сусветнымі прынцыпамі экалагічнага, сацыяльнага і карпаратыўнага кіравання (ESG – Environmental. Social. Governance). Такая стратэгія, якая прыйшла на змену традыцыйнаму разуменню карпаратыўнай сацыяльнай адказнасці, дазваляе бізнесу яшчэ больш пашырыць магчымасці для пазітыўнага ўплыву на навакольнае асяроддзе і грамадства, а таксама аптымізаваць унутраныя працэсы.

 

Гэты падыход вызначае адказнасць, якую А1 у Беларусі, як і ўся A1 Telekom Austria Group, бярэ на сябе, каб шукаць найбольш устойлівыя шляхі развіцця кампаніі, якія таксама дапамогуць клапаціцца аб навакольным асяроддзі і вырашаць важныя сацыяльныя пытанні.

 

Прыярытэтнымі кірункамі ESG-стратэгіі А1 з'яўляюцца экалагічныя паводзіны, дапамога дзецям, падтрымка інклюзіўных і культурных праектаў.

Экалогія

 
 

Энергаэфектыўнасць і скарачэнне выкідаў СО2

А1 актыўна працуе над павышэннем свайго экалагічнага індэкса і імкнецца знізіць уздзеянне на навакольнае асяроддзе за кошт прымянення энергаэфектыўных сістэм для абслугоўвання сетак сувязі і скарачэння вугляроднага следу. Да 2030 года A1 Telekom Austria Group плануе знізіць узровень выкідаў СО2 на 50%, а да 2040-га – дасягнуць вугляроднай нейтральнасці. Для гэтага на базавых станцыях А1 у Беларусі праводзіцца паступовы пераход да тэхналогіі free cooling, а таксама вядзецца замена электрасілкавальных установак на больш энергаэфектыўныя. Сонечны парк А1 у Гомельскай вобласці робіць свой унёсак у атрыманне чыстай электраэнергіі і памяншэнне выкідаў вуглякіслага газу ў атмасферу.

Re.a1.by

У А1 дзейнічае ўласная сістэма збору малагабарытнага электроннага і электрычнага абсталявання. У любую з крам кампаніі можна здаць былыя ва ўжыванні прылады: мабільныя тэлефоны, смартфоны, планшэты, электронныя кнігі. Год выпуску, марка, мадэль, тэхнічны стан прылад значэння не маюць. Здаць можна любое абсталяванне, у тым ліку і няспраўнае. Уся тэхніка збіраецца і адпраўляецца на адпаведныя прадпрыемствы для наступнай перапрацоўкі. А ў якасці падзякі за ўважлівае стаўленне да навакольнага асяроддзя і прыхільнасць ідэям разумнага спажывання кожны, хто скарыстаецца сістэмай збору малагабарытнага электроннага і электрычнага абсталявання А1, пры выкананні неабходных умоў атрымлівае прыемныя бонусы.

Велапаркоўкі А1

Памяншэнне негатыўнага ўздзеяння на навакольнае асяроддзе – адзін з галоўных прынцыпаў, якімі кіруецца А1 ў сваёй дзейнасці. Каб дапамагчы беларусам быць экалагічнымі ў сваіх звычках, А1 пачаў усталёўваць велапаркоўкі ў гарадах Беларусі. Першыя з іх летам 2021 года з'явіліся ў Мінску каля ўвахода ў галоўны офіс А1, а таксама каля флагманскай крамы кампаніі і «Інклюзіўнай кавярні ў А1» на вуліцы Інтэрнацыянальнай. У 2022 годзе ў сталіцы было ўсталявана яшчэ дзевяць новых парковачных месцаў для экалагічнага транспарту, яшчэ тры – у рэгіёнах: у Магілёве каля SOS-Дзіцячай вёскі, побач з офісам кампаніі ў Гомелі і ў Калінкавічах. У бліжэйшыя гады такія парковачныя месцы будуць абсталяваныя і ў іншых гарадах.

«Зялёны офіс»

Кампанія А1 актыўна развівае канцэпцыю «зялёнага офіса». Большая частка ўнутранай дакументацыі ўжо пераведзена ў лічбавы фармат, працягваецца пераход на электронныя рахункі для фізічных і юрыдычных асоб. У офісах больш не выкарыстоўваецца аднаразовы посуд, а таксама ўсталяваныя спецыяльныя кантэйнеры для раздзельнага збору і сартавання адходаў. Побач з галаўным офісам А1 з'явіліся экалагічныя велапаркоўкі, а на даху адкрыты «А1гарод», дзе пры ўдзеле валанцёраў-супрацоўнікаў вырошчваецца гародніна і зеляніна. Акрамя гэтага, для пацверджання эфектыўнага функцыянавання сістэмы менеджменту якасці кампанія праходзіць працэдуру атрымання сертыфіката iSO (Сістэма экалагічнага менеджменту). У падтрымку экалагічных актыўнасцяў А1 таксама прадставіў тэматычны экастыкерпак для Telegram і выпусціў для сваіх супрацоўнікаў серыю падкастаў на тэму экалогіі.

«Энергія сонца для Зялёных школ»

Летам 2020 года ў Беларусі А1 правёў конкурс «Энергія сонца для Зялёных школ» у партнёрстве з Міністэрствам прыродных рэсурсаў і аховы навакольнага асяроддзя Рэспублікі Беларусь, Міністэрствам адукацыі Рэспублікі Беларусь і Праграмай Развіцця ААН у Беларусі. Восенню ў сямі ўстановах адукацыі – па адной у кожнай вобласці і ў Мінску – кампанія ўсталявала сонечныя панэлі, каб дзеці маглі на свае вочы ўбачыць, як працуе энергія сонца, а таксама якую карысць могуць прыносіць узнаўляльныя крыніцы энергіі.

Экалагічная палітыка

У снежні 2020 года ў А1 была прынятая Экалагічная палітыка. У адпаведнасці з прынцыпамі ESG (Environmental. Social. Governance) А1 вызначыла канкрэтныя мэты і задачы, якіх з 2021 па 2025 гады кампанія плануе дасягнуць па трох асноўных кірунках: энергаэфектыўнасць и энергазберажэнне, прамое скарачэнне выкідаў вуглякіслага газу ў атмасферу і памяншэнне смеццевага следу. Яны зафіксаваны ў Экалагічнай палітыцы, якая закранае ўсе аспекты дзейнасці А1.

Экакоміксы А1

 

Каб падарыць непатрэбным электронным прыладам другое жыццё, у крамах А1 дзейнічае ўласная сістэма збору малагабарытнага электроннага абсталявання. А для падтрымкі правільнай перапрацоўкі былой ва ўжыванні тэхнікі у 2024 годзе А1 выпусціў прыгодніцкія коміксы пра сястру і брата, якія сутыкаюцца з незвычайнымі загадкамі: «Эва і Сева. Загадкавая справа тэхнікі» і «Эва і Сева. Па той бок экрана».

 

Дапамога дзецям

 
 

«У адным рытме з А1»

Больш чым 2000 чалавек далучыліся да новага фармату дабрачыннасці разам з А1 і паўдзельнічалі ў спартыўных актыўнасцях пад дынамічную музыку, каб агульнымі намаганнямі дапамагчы сабраць сродкі на закупку высокатэхналагічнага інавацыйнага дыягнастычнага абсталявання для Рэспубліканскага рэабілітацыйнага цэнтра для дзяцей-інвалідаў.

«100 гадзін з А1»

У штогадовай дабрачыннай акцыі А1 кожны можа кінуць сабе выклік – займацца любімым відам актыўнасці як мага больш, фіксаваць свае вынікі і падтрымліваць бенефіцыяра. У 2021 годзе акцыя «100 гадзін з А1» была звязана з тэмай экалогіі. Мэта ў 50 000 гадзін была выканана датэрмінова, і кампанія А1 аказала спонсарскую дапамогу ў памеры 50 000 рублёў МГА «SOS-Дзіцячыя вёскі». На выдзеленыя сродкі ў SOS-Дзіцячай вёсцы Магілёў усталяваныя сонечныя панэлі і паветраная цеплавая помпа. Сімвалічным прызам для самых актыўных удзельнікаў сталі імянныя дрэвы, высаджаныя на тэрыторыі SOS-Дзіцячай вёскі Бараўляны.

«А1 Junior»

А1 аб’яднаўся з футбольным клубам «Юніор» для стварэння сумеснага спартыўнага брэнда «А1 Юніор». Гэта первы ў краiне вопыт глабальнага супрацоўніцтва бізнесу з дзіцяча-юнацкімі камандамі. Падтрымка і актыўны ўдзел у жыцці клуба з боку А1 расшырае магчымасці каманд, а таксама дапамагае ей трэніравацца і выступаць на якасна новым узроўні.

«Першыя»

Адукацыйны праект «Першыя» ўключае ў сябе конкурс ідэй для вучняў 9, 10 і 11-х класаў, а таксама навучальную праграму. Любы старшакласнік можа прапанаваць канкрэтную ідэю на тэму культуры, экалогіі, тэхналогій, інклюзіі або урбаністыкі і атрымаць шанс прэзентаваць яе ў сусветна вядомым фармаце TED на моладзевай канферэнцыі TEDxYouth@Minsk. Адметнай асаблівасцю праекта з'яўляецца тое, што ўся камунікацыя вядзецца на беларускай мове.

Інклюзіўныя праекты

 
 

Інклюзіўныя кавярні ў А1

У лістападзе 2020 года ў цэнтры лічбавых паслуг А1 адкрылася Інклюзіўная кавярня. Гэта першае месца ў Мінску, дзе было створана безбар'ернае асяроддзе не толькі для наведвальнікаў, але і для супрацоўнікаў. У кавярні, якая інтэгравана ў экасістэму гандлёвага аб'екта, абсталяваная стойка-трансформер, каб барыста з інваліднасцю маглі падстроіць працоўнае месца пад сябе. У 2021 годзе сетка «Інклюзіўная кавярні ў А1» налічвае ўжо тры кава-поінта – у Мінску адкрылася яшчэ адна кропка ў краме А1, а ў Брэсце з'явілася першая рэгіянальная кавярня. На 2022 год запланавана далейшае развіццё сеткі.

Падтрымка Сямейнага інклюзіўнага тэатра «і»

З моманту заснавання ў 2016 годзе Сямейнага інклюзіўнага тэатра «i» А1 падтрымлівае яго дзейнасць і з'яўляецца генеральным партнёрам. Вынік гэтага супрацоўніцтва – шматлікія прэм'еры, тэматычныя форумы і акцыі да Сусветнага дня інфармавання аб праблеме аўтызму. Дзякуючы шматгадоваму партнёрству з кампаніяй тэатр выпусціў ужо дзевяць спектакляў і з невялікай студыі стаў творчым калектывам, дзе задзейнічана больш за 150 дзяцей, сярод іх – больш за 60 акцёраў з аўтызмам, якія праяўляюць свае творчыя здольнасці нароўні з усімі.

Безбар'ернае асяроддзе і працаўладкаванне

А1 пастаянна працуе над развіццём тэмы інклюзіі і грамадства роўных магчымасцяў унутры кампаніі. Безбар'ернае асяроддзе створана не толькі ў многіх крамах А1, а таксама ў цэнтральным офісе ў Мінску. Акрамя таго, кампанія наладзіла магчымасць дыстанцыйнай працы для сваіх супрацоўнікаў. Гэта дазваляе разглядаць у якасці кандыдатаў на працаўладкаванне ў А1 у тым ліку і людзей з фізічнымі асаблівасцямі. Важнасць інклюзіўных ідэй для сваіх праектаў кампанія адлюстравала праз візуальную канцэпцыю «Каштоўнасць адрозненняў А1»

Лічбавая пісьменнасць

 
 

#яанлайн

Кампанія А1 ініцыявала валанцёрскі рух #яанлайн. Кожны, хто актыўна карыстаецца мабільнымі тэхналогіямі і хацеў бы дзяліцца сваімі ведамі з іншымі, можа стаць валанцёрам ініцыятывы. Задача валанцёраў – растлумачыць, для чаго можа быць карысны мабільны інтэрнэт, і дапамагчы асвоіць сучасныя тэхналогіі тым, каму складана самастойна ў іх разабрацца.

Супрацоўніцтва з ЮНФПА

У чэрвені 2021 года кампанія А1 і Фонд ААН у галіне народанасельніцтва (ЮНФПА) у Беларусі заключылі пагадненне аб партнёрстве, каб распрацаваць сумесную праграму па павышэнні лічбавай граматнасці людзей старэйшага ўзросту. Супрацоўніцтва пачалося з выпуску #яанлайн-даведніка па мабільных тэхналогіях, дзе сабраны карысныя інструкцыі, якія дапамогуць выкарыстоўваць смартфон або планшэт ў паўсядзённым жыцці. А1 і ЮНФПА ў Беларусі таксама распрацавалі адукацыйную праграму па лічбавай граматнасці #яанлайн-навучанне. Урокі па лічбавай граматнасці прайшлі ва ўсіх рэгіёнах Беларусі – афлайн і ў прамым эфіры.

Нацыянальная ідэнтычнасць

 
 

«МОВА»

Гэты праект увасабляе ў сабе ўсё тое, што вылучае Беларусь сярод іншых краін прысутнасці міжнароднага холдынга А1, і злучае найноўшыя тэхналогіі з сучасным мастацтвам. Устаноўленыя ў Брэсце, Віцебску, Гродне, Гомелі, Магілёве скульптуры-літары «МОВА» нагадваюць жыхарам гэтых гарадоў аб прыгажосці роднай мовы. Колеры кожнага арт-аб'екта адлюстроўваюць культурныя і прыродныя асаблівасці рэгіёна.

#UNOVIS100

У 2020 годзе споўнілася 100 гадоў з моманту заснавання знакамітага творчага аб'яднання УНОВІС, створанага ў Віцебску па ініцыятыве Казіміра Малевіча. Дзякуючы гэтай падзеі Беларусь вядома ва ўсім свеце як краіна, дзе жылі і працавалі выдатныя людзі, якія змянілі гісторыю мастацтва. УНОВІС і яго мастакі – Казімір Малевіч, Лазар Лісіцкі, Лазар Хідэкель, Давід Якерсон і іншыя – гэта брэнд Беларусі міжнароднага значэння. Вярнуць іх імёны і працы на гістарычную радзіму – адна з галоўных задач праекта #UNOVIS100, які спецыяльна да юбілею аб'яднання запусціла А1 сумесна з партнёрамі.

«Будучыня»

Сумесная ініцыятыва А1, стрыт-арт-актывістаў Urban Myths і Адміністрацыі Фрунзенскага раёна сталіцы аб'яднала вулічных мастакоў з Беларусі, Сербіі і Іспаніі. Яркія вобразы, навеяныя іх ўражаннямі ад сучаснага Мінска і яго жыхароў, а таксама багатай гісторыі і культуры нашай краіны, сталі сюжэтамі для трох муралаў на фасадах 12-павярховых дамоў у мікрараёне Кунцаўшчына (па вул. Прытыцкага 134, 136 і 150). Спалучэнне традыцый і тэхналогій як аснова руху ў будучыню сталі загалоўнай тэмай для кожнага з мастакоў.

«Падказкі»

З 2019 года А1 рэалізуе праект «Падказкі» ў супрацоўніцтве з рэдакцыяй партала Onliner. Напярэдадні Новага года і Калядаў на спецыяльнай старонцы выходзяць запісы казак на беларускай мове ў выкананні вядомых акцёраў. У першым сезоне праекта гучалі беларускія народныя казкі. Сезон 2020 года быў рэалізаваны ў межах кампаніі #Караткевіч90 і быў прысвечаны творчай спадчыне класіка беларускай літаратуры.

#ЛітаратурА1

#ЛітаратурА1 – новая ініцыятыва кампаніі А1, прымеркаваная да юбілеяў вядомых беларускіх празаікаў, паэтаў і драматургаў. Гэта серыя спецыяльных мерапрыемстваў і праектаў, прысвечаных творам класікаў нацыянальнай літаратуры. Да 90-годдзя Уладзіміра Караткевіча былі прымеркаваныя кампанія #Караткевіч90 і праект ПаштоўкА1 – 10 вядомых і натхняльных цытат Уладзіміра Караткевіча праілюстравала вядомая беларуская мастачка Ніка Сандрас.

Дабрачыннасць

 

У кожнага абанента А1 ёсць магчымасць падтрымаць беларускія дабрачынныя арганізацыі , пералічыўшы пэўную суму любым зручным для сябе спосабам: з дапамогай раздзела «Дабро» ў мабільным дадатку A1 banking, праз USSD-запыт або адпраўку SMS на кароткі нумар. Сваю дапамогу можна адрасаваць беларускім медыкам для барацьбы з COVID-19, буйным рэспубліканскім дабрачынным фондам, а таксама рэгіянальным аб'яднанням.

 

Дапамога ў барацьбе з COVID-19

У сувязі з пандэміяй COVID-19 кампанія А1 робіць усё, каб яе абаненты маглі заставацца на сувязі, выдалена вырашаць працоўныя задачы і кіраваць бізнесам. Але не менш важна, каб яны маглі атрымліваць любую неабходную ім дапамогу – і аказваць яе тым, хто сёння мае ў ёй асаблівую патрэбу.

 

Кароткія дабрачынныя нумары

Абаненты кампаніі А1 могуць дапамагчы беларускім медыкам. Усе пералічэнні ажыццяўляюцца без камісіі і акумулююцца на дабрачынным рахунку Мінздароўя. Па запыце на USSD нумар *222*19# можна пералічыць на карысць медыцынскіх работнікаў, якія змагаюцца з эпідэміяй COVID-19, 2, 5 ці 10 рублёў. Дапамагчы медыкам можна і з дапамогай SMS на спецыяльны кароткі нумар 219, а таксама праз дадатак А1 banking.

Бясплатная працоўная сувязь для медыцынскіх устаноў

Вясной 2020 года A1 забяспечыла беларускіх медыкаў, занятых барацьбой з распаўсюджваннем каранавіруснай інфекцыі COVID-19, смартфонамі і бясплатнай працоўнай сувяззю. Камплекты сувязі прызначаны для персаналу аддзяленняў інтэнсіўнай тэрапіі і інфекцыйных аддзяленняў, лабараторый, дзе робяцца тэсты на COVID-19, супрацоўнікаў хуткай медыцынскай дапамогі, якія змогуць вырашаць працоўныя пытанні і абменьвацца інфармацыяй, не выкарыстоўваючы асабістыя тэлефоны. Гэта дазволіла знізіць рызыку распаўсюджвання каранавірусу за межамі інфіцыраваных зон.

Фінансавая дапамога інфекцыйным бальніцам

У сакавіку 2020 года кампанія А1 пералічыла 50 тыс. рублёў у якасці спонсарскай дапамогі Мінскай гарадской клінічнай інфекцыйнай бальніцы для закупкі неабходнага абсталявання. У лістападзе 2020 года А1 аказаў дабрачынную дапамогу ў памеры 30 тыс. рублёў УАЗ «Гарадская дзіцячая клінічная інфекцыйная бальніца» – установе аховы здароўя, якая ў гэтыя дні аказвае дапамогу не толькі дзецям, але і дарослым пацыентам, якія захварэлі на COVID-19.

Бясплатныя званкі на гарачую лінію Мінздароўя

Для таго каб кожны абанент кампаніі мог бесперашкодна атрымаць неабходную кансультацыйную падтрымку па пытаннях прафілактыкі і дыягностыкі COVID-19, кампанія А1 зрабіла бясплатнымі званкі на тэлефонныя нумары гарачай лініі Міністэрства аховы здароўя па пытаннях інфекцыі, выкліканай каранавірусам COVID-19. Тэлефоны гарачых ліній у розных рэгіёнах Беларусі можна ўдакладніць па спасылцы.