А1 паведамляе пра пачашчэнне выпадкаў махлярства

Унітарнае прадпрыемства «А1» інфармуе сваіх кліентаў пра фіксацыю росту спроб махлярства ад імя кампаніі. Гэтак, зламыснікі, выдаючы сябе за прадстаўнікоў кампаніі А1, здзяйсняюць тэлефонныя званкі з намерам ініцыяваць працэдуры дыстанцыйнага перазаключэння дагавору і незаконнага збору персанальных даных кліентаў. Атрыманыя звесткі пра кліента махляры выкарыстоўваюць для аўтэнтыфікацыі ў інфармацыйныя сістэмы фінансавых арганізацый і дзяржаўных органаў праз міжбанкаўскую сістэму ідэнтыфікацыі.

Калі вы атрымалі званок з незнаёмага нумара нібыта ад імя службы падтрымкі А1 з мэтай перазаключыць дзейны дагавор з кампаніяй дыстанцыйна, рэкамендуем праігнараваць выклік і не ператэлефаноўваць на нумар. Будзьце пільнымі самі, а таксама акцэнтуйце ўвагу вашых родных, блізкіх, знаёмых на тым, што форма ўзаемаадносін А1 з кліентамі не прадугледжвае «прадаўжэнне тэрміну дзеяння SIM-карткі або дагавору», а таксама заключэння якіх-небудзь дагаворных адносін дыстанцыйна.

Афіцыйны выходнымі нумарамі кампаніі А1 з’яўляюцца:

• Нумары 150 і +‪‪3752960001‬‬50 – пры правядзенні абзвону (у адказ на зварот кліента, а таксама з прапановамі паслуг кампаніі, у тым ліку пры аўтаматычным абзвоне) праз мабільную сувязь;‬‬‬‬‬‬
• СМС і паведамленні ў Viber ад альфанумерычнага нумара А1 (А1, A1 banking, Voka, 150) – пры SMS-рассылцы;
• Нумары 411хх (41101, 41141 і г. д.) – пры правядзенні інтэрактыўных СМС-кампаній.

Падрабязней азнаёміцца з усімі кантактамі кампаніі можна на сайце А1 у адпаведным раздзеле.

Уваходныя выклікі таксама часцяком здараюцца і праз мэсэнджары. Яны могуць быць візуальна падобныя да звычайных званкоў з гарадскога або мабільнага нумара, таму варта быць асабліва пільнымі і звяртаць увагу на нумары, а таксама на тое, праз які канал ажыццяўляецца званок. Як правіла, зламыснікі спрабуюць атрымаць канфідэнцыйную інфармацыю, а таксама падштурхоўваюць ахвяр да розных дзеянняў з рахункамі. Таксама яны могуць паспрабаваць атрымаць доступ да Асабістага кабінета карыстальніка альбо спаслацца на тое, што нумар абанента заблакаваны і яму трэба правесці шэраг дзеянняў для яго аднаўлення. Ніжэй пералічаныя рэкамендацыі, якіх варта прытрымлівацца, каб абараніць сябе ад тэлефонных махляроў.

• Нават калі размова вам здаецца рэалістычнай, не паведамляйце суразмоўцу канфідэнцыйную інфармацыю: ідэнтыфікацыйны нумар пашпарта, нумар карткі, CVV і СМС-код, нумар дагавора і іншую асабістую інфармацыю;
• Калі вас будуць прасіць перазваніць на прадыктаваны нумар, праігнаруйце гэтую прапанову;
• Калі вы хочаце пераканацца ў надзейнасці свайго суразмоўцы, даведайцеся яго імя, пасля ператэлефануйце па афіцыйным нумары арганізацыі з просьбай злучыць вас з дадзеным супрацоўнікам;
• Калі вам будуць рэкамендаваць усталяваць на тэлефон якія-небудзь староннія праграмы, праігнаруйце гэтую прапанову;
• Калі суразмоўцу ўдалося атрымаць рэквізіты карткі і іншыя асабістыя даныя, у выніку чаго адбыўся крадзеж грашовых сродкаў і іншыя неправамерныя дзеянні, неадкладна звяртайцеся ў праваахоўныя органы.

Калі вы сутыкнуліся з атакай махляроў, неадкладна паведаміце пра гэта ў праваахоўныя органы па нумары 102.

З мэтай прадухілення выпадкаў махлярства рэкамендуем азнаёміцца з яго відамі, чаму прысвечаны асобны раздзел на сайце кампаніі А1.

Будзьце пільныя і асцярожныя!