Кампанія А1 значна палепшыла сувязь больш чым у 500 населеных пунктах Мінскай вобласці

Кампанія А1 зрабіла чарговы маштабны крок у кірунку па ўдасканаленні працы сваёй мабільнай сеткі: кампанія разгарнула больш за 6 300 новых сот у дыяпазоне UMTS-2100 па ўсёй Мінскай вобласці.

Сёння сетка А1, якая працуе ў дыяпазоне 2100 МГц, ахоплівае 100% гарадскога насельніцтва Беларусі. Паляпшэнне гарантуе павялічаную хуткасць перадачы даных і ёмістасць сеткі, што асабліва актуальна ў буйных гарадах з высокай шчыльнасцю насельніцтва. Павялічаная прапускная здольнасць дадзенага канала дазваляе дасягаць большых хуткасцяў мабільнага інтэрнэту, а таксама забяспечвае большую стабільнасць галасавых выклікаў.

Праверыць пакрыццё мабільнай сеткі для пэўнага адраса можна з дапамогай пошуку па карце тут. Вы можаце пакінуць пажаданні па ўдасканаленні сеткі для канкрэтнага адраса па спасылцы.

Пра кампанію

Правайдар тэлекамунікацыйных, ІКТ- і кантэнт-паслуг А1 пачаў сваю камерцыйную дзейнасць 16 красавіка 1999 г., стаўшы першым мабільным аператарам стандарту GSM у краіне. З лістапада 2007 г. кампанія ўваходзіць у склад міжнароднай групы A1 Group, якая, у сваю чаргу, з’яўляецца еўрапейскім падраздзяленнем транснацыянальнага холдынга América Móvil, аднаго з найбуйнейшых сусветных правайдараў тэлекамунікацыйных паслуг са штаб-кватэрай у Мексіцы.

Сотавая рухомая электрасувязь ад А1 мае найвялікшую колькасць уласных сайтаў у стандартах GSM і UMTS у Беларусі – больш за 14 000 – і мае максімальныя ацэнкі па большасці інтэгральных паказнікаў паводле сукупных даных незалежнага рэгулятара «БелДІЭ», якія даступны на партале ацэнкі якасці паслуг электрасувязі хваля.бел. Больш за тое, дзякуючы партнёрству з інфраструктурным аператарам beСloud кампанія А1 аб’ядноўвае больш за 6 500 базавых станцый у стандарце LTE/4G.