А1 разгарнуў больш за 180 новых сайтаў у стандарце 4G па ўсёй Беларусі

Кампанія А1 працягвае актыўную працу па пашырэнні LTE-сеткі і паведамляе пра маштабны запуск новых магутнасцей. Адпаведныя работы праводзіліся адразу ў трох частотных дыяпазонах – 2600, 1800 і 800 МГц, – а агульная колькасць запушчаных сайтаў склала 188. Такім чынам, пакрыццё і прапускная здольнасць 4G-сеткі А1 істотна павялічыліся на тэрыторыі ўсёй краіны.

Удасканаленне сеткі і паляпшэнне якасці сувязі – адзін з прыярытэтных напрамкаў працы А1. Так, паводле агульнага рэйтынгу сетак аператараў за 2024 год, складзенага дзяржаўным прадпрыемствам «БелДІЭ», кампанія А1 стала лідарам у катэгорыі «Перадача даных», а таксама атрымаў найлепшую інтэгральную адзнаку якасці паслуг сотавай рухомай электрасувязі ў абласных цэнтрах, райцэнтрах, гарадах і сельскай мясцовасці Беларусі. Акрамя таго, па стане на 05.02.2025 сотавая рухомая электрасувязь ад А1 мае самую вялікую колькасць уласных сайтаў у стандартах GSM і UMTS у Беларусі, а таксама самыя высокія адзнакі па большасці паказчыкаў якасці паводле даных незалежнага рэгулятара «БелДІЭ», даступных на партале хваля.бел.

Найбольш актыўныя мерапрыемствы ажыццяўляліся ў дыяпазоне 1800 МГц: у дзясятках раёнаў Брэсцкай, Гомельскай, Мінскай і Магілёўскай абласцей быў запушчаны 101 новы сайт – пераважна ў іх зоне дзеяння размешчаныя вёскі, аграгарадкі, невялікія гарады і іншыя населеныя пункты. Лідарамі па паляпшэнні якасці пакрыцця сталі Гомельскі і Магілёўскі раёны.

Яшчэ 68 аб’ектаў пачалі працу ў дыяпазоне 2 600 МГц – на тэрыторыі 14 раёнаў Брэсцкай, Віцебскай, Гомельскай, Гродзенскай і Мінскай абласцей. Тут работы ахапілі пераважна абласныя і раённыя цэнтры з дастаткова высокай шчыльнасцю насельніцтва, для якіх актуальнае пытанне павелічэння прапускной здольнасці і ёмістасці сеткі.

У дыяпазоне 800 МГц было запушчана 19 новых сайтаў на тэрыторыі 14 раёнаў Гродзенскай, Магілёўскай і Мінскай абласцей. Асаблівасцю дадзенага дыяпазону з’яўляецца вялікі радыус дзеяння сігналу.

4G (LTE) цяперашнім часам з’яўляецца самым сучасным стандартам сотавай сувязі з дзеючых у Беларусі. У выніку мерапрыемстваў, якія кампанія А1 прадпрымае ў партнёрстве з інфраструктурным аператарам beСloud, карыстацца сувяззю чацвёртага пакалення ў сетцы А1 могуць 99,8% жыхароў краіны. Пры гэтым сетка чацвёртага пакалення даступная абанентам кампаніі А1 не толькі ў буйных гарадах, але і ў маланаселеных пунктах, сельскай мясцовасці, а таксама ўздоўж транспартных шляхоў.

Каб перайсці ў 4G і выкарыстоўваць усе перавагі якаснай сувязі, патрэбна:

1. уключыць 4G (LTE) у наладах тэлефоннага апарата. Пераход на новы стандарт сувязі цалкам бясплатны. Пры выбары такога рэжыму мабільная прылада будзе прыярытэтнай сеткай выбіраць 4G, але пры неабходнасці зможа аўтаматычна часова пераключыцца ў 3G;

2. уключыць рэжым VoLTE у наладах для забеспячэння больш высокай якасці галасавых выклікаў;

3. у выпадку, калі SIM-карта не падтрымлівае LTE – замяніць яе на USIM або eSIM. Зрабіць гэта можна абсалютна бясплатна ў любой краме А1;

4. у выпадку, калі тэлефон не падтрымлівае LTE – выбраць актуальную мадэль па фільтры «Падтрымка 4G/LTE».

Для праверкі гатоўнасці вашай прылады і SIM-карты да працы ў 4G-сетцы можна выкарыстаць USSD-запыт *181# выклік. Больш падрабязна азнаёміцца з зонай пакрыцця і з сярэдняй хуткасцю 4G-сеткі А1 можна на афіцыйным сайце А1 па спасылцы, а таксама ў праграме «Мой А1». Даведацца пра магчымасці і перавагі стандарту сувязі 4G можна на спецыяльнай старонцы па спасылцы.

Пра кампанію

Правайдар тэлекамунікацыйных, ІКТ- і кантэнт-паслуг А1 пачаў сваю камерцыйную дзейнасць 16 красавіка 1999 г., стаўшы першым мабільным аператарам стандарту GSM у краіне. З лістапада 2007 г. кампанія ўваходзіць у склад міжнароднай групы A1 Group, якая, у сваю чаргу, з’яўляецца еўрапейскім падраздзяленнем транснацыянальнага холдынга América Móvil, аднаго з самых буйных сусветных правайдараў тэлекамунікацыйных паслуг са штаб-кватэрай у Мексіцы.

А1 з’яўляецца лідарам у катэгорыі «Перадача даных», а таксама атрымаў найлепшую інтэгральную адзнаку якасці паслуг сотавай рухомай электрасувязі ў абласных цэнтрах, райцэнтрах, гарадах і сельскай мясцовасці Беларусі паводле агульнага рэйтынгу сетак аператараў за 2024 год, складзенага дзяржаўным прадпрыемствам «БелДІЭ» і даступнага на партале хваля.бел.