А1 расказаў, як не стаць ахвярамі тэлефонных махляроў

А1 працягвае рэалізоўваць ініцыятывы па павышэнні лічбавай пісьменнасці. У рамках інфармацыйнай кампаніі #Падумайце5секунд, накіраванай на абарону ад кібермахлярства, а таксама праекта #яанлайн у тэрытарыяльным цэнтры сацыяльнага абслугоўвання Цэнтральнага раёна Мінска прайшоў навучальны занятак па кібербяспецы для людзей старэйшага ўзросту.

Падчас мерапрыемства ўдзельнікі даведаліся пра найбольш распаўсюджаныя схемы махлярства, такія як «вішынг» і «фішынг», пра тое, як распазнаць фальшывыя званкі, і чаму важна не называць коды з SMS. Супрацоўнікі А1 падзяліліся простымі, але эфектыўнымі рэкамендацыямі па лічбавай гігіене — ад настройкі абароны ў месэнджарах да стварэння надзейных пароляў. Усе матэрыялы і парады, як не стаць ахвярамі махляроў, даступныя на сайце А1.

Інтэрактыўная частка — тэсты і найбольш распаўсюджаныя выпадкі махлярства — дазволілі кожнаму на практыцы замацаваць веды і зразумець, як важна ў крытычны момант узяць паўзу, перш як націснуць кнопку «перавесці» ці «падзяліцца». Кожны ўдзельнік атрымаў памятку #Падумайце5секунд з карыснымі парадамі па бяспецы, а таксама сертыфікат аб праходжанні майстар-класа ад А1.

Праект #яанлайн, які рэалізуецца А1 у партнёрстве з Міністэрствам працы і сацыяльнай абароны і Фондам ААН у галіне народанасельніцтва (ЮНФПА), ужо больш за 4 гады дапамагае людзям старэйшага ўзросту і людзям з інваліднасцю ўпэўнена асвойваць лічбавы свет. З моманту запуску ініцыятывы да руху далучыліся некалькі тысяч валанцёраў па ўсёй краіне, а адукацыйныя матэрыялы праекта — у тым ліку спецыяльныя даведнікі, метадычныя рэкамендацыі і брашуры на зразумелай мове — распаўсюдзіліся па дзясятках устаноў сістэмы сацыяльнай абароны і сталі асновай для адукацыйнай працы з шырокай аўдыторыяй.

Навучальныя сустрэчы, падобныя да той, якая прайшла ў Мінску, з'яўляюцца важнай часткай гэтага працэсу. Яны не толькі дапамагаюць людзям асвоіць тэхналогіі, але і зніжаюць трывожнасць, павышаюць упэўненасць у сабе і даюць рэальныя інструменты абароны ад лічбавых пагроз. А1 працягвае развіваць праект #яанлайн, каб зрабіць інтэрнэт-прастору даступнай, зразумелай і бяспечнай для ўсіх — незалежна ад узросту і ўзроўню падрыхтоўкі.