«velcom Налібокі» – новыя маршруты любімага марафону

У бліжэйшыя выхадныя, 21 і 22 мая, у Налібоцкай пушчы пройдзе ўсебеларускі аматарскі марафон «velcom Налібокі’2011», генеральным партнёрам якога зноў выступае кампанія velcom.

У гэтым годзе марафон зноў праводзіцца па трох накірунках: бегавы, водны і веламарафон. Для ўдзельнікаў ўсіх пералічаных вышэй дысцыплін падрыхтаваны новыя маршруты, якія пралягаюць пад велічнымі шатрамі Налібоцкай пушчы. Працягласць маршрутаў складзе: бегавы – каля 80 км, веласіпедны – каля 190 км, водны – 60 км. Дзеля выгоды старт і фініш будуць размяшчацца ў адным месцы – ля сцен Мірскага замка.

Нягледзячы на вялікую працягласць, марафон «velcom Налібокі» па ранейшаму застаецца вельмі дэмакратычным. Яго старт адкрыты для кожнага, хто гатовы кінуць выклік незнаёмай дыстанцыі, сапернікам і самому сабе. Арганізатары марафону пакідаюць удзельнікам права датэрмінова закончыць маршрут і адправіцца на фініш на прадугледжаным транспарце.

Акрамя незабыўных спартыўных уражанняў пераможцаў марафону чакае прыемны сюрпрыз ад кампаніі velcom: магчымасць падключэння да тарыфнага плана «Нон-стоп» з папярэдне аплачанай абаненцкай платай за два месяцы і USB-мадэм Huawei E173!

У час марафону таксама плануецца інтэрнэт-рэпартаж ад velcom. Усе падрабязнасці аб марафоне «velcom Налібокі’2011» можна знайсці на сайце арганізатараў марафону – Федэрацыі прыгодніцкіх гонак.

Кампанія velcom зычыць марафонцам удачы, добрага надвор’я і лёгкай дарогі! Кіньце выклік сапраўднай прыгодзе!