Новы магазін А1 пачала працу ў ГЦ «Парк Сіці» ў Магілёве
У жыхароў і гасцей Магілёва з’явілася яшчэ больш магчымасцяў для камфортнага выбару і набыцця любых тавараў з шырокага асартыменту А1: 5 верасня ў ГЦ «Парк Сіці» на Мінскай шашы, 31 адкрылся фірменны магазін кампаніі.
У магазіне А1 у ГЦ «Парк Сіці» прадстаўленыя самыя розныя катэгорыі тэхнікі – ад смартфонаў, планшэтаў і ноўтбукаў да тэлевізараў, тэхнікі для дому, б’юці-гаджэтаў і іншых прылад ад вядучых сусветных вытворцаў. Тут можна выбраць і набыць усё неабходнае для розных жыццёвых сцэнарыяў – у тым ліку ў растэрміноўку да 24 месяцаў. На ўсе тавары даецца афіцыйная гарантыя.
Акрамя таго, у магазіне можна атрымаць заказы, аформленыя праз інтэрнэт-магазін А1, падабраць патрэбны тарыфны план для мабільнай сувязі ці фіксаванага інтэрнэту, заключыць новы дагавор на аказанне паслуг або ўнесці плацяжы па ўжо дзейных. Супрацоўнікі пракансультуюць кліентаў па паслугах А1, дапамогуць у выбары той ці іншай прылады, раскажуць пра спецыяльныя прапановы і акцыі.
«Нягледзячы на тое, што ў наша жыццё ўсё актыўней пранікаюць розныя лічбавыя тэхналогіі, звыклы для многіх фармат афлайн-магазіна, дзе можна ў адным месцы вырашыць адразу ўсе задачы, звязаныя з паслугамі сувязі, не траціць актуальнасці. Таму сетка магазінаў А1 працягвае мадэрнізавацца і пашырацца па ўсёй Беларусі. У новым магазіне, які адкрыўся ў Магілёве, нашы кліенты знойдуць усё, што шукалі – і гэта датычыцца як шырыні асартыменту прылад і зручнасці выбару, так і ўзроўню сэрвісу», – адзначыў начальнік упраўлення рознічных продажаў кампаніі А1 Аляксандр Кошалеў.
З нагоды адкрыцця новага магазіна A1 у Магілёве ўсе пакупнікі могуць скарыстацца спецыяльнай прапановай: да 21 верасня па промакодзе «PARKCITY» дзейнічаюць скідкі да 3 000 рублёў на папулярныя мабільныя прылады і аксесуары. А ў першы дзень працы магазіна – 5 верасня – усіх пакупнікоў чакаюць яшчэ і фірменныя сувеніры ад А1.
Магазін А1 у ГЦ «Парк Сіці» працуе штодзённа з 10:00 да 21:00.
Пра кампанію
Правайдар тэлекамунікацыйных, ІКТ- і кантэнт-паслуг А1 пачаў сваю камерцыйную дзейнасць 16 красавіка 1999 г., стаўшы першым мабільным аператарам стандарту GSM у краіне. З лістапада 2007 г. кампанія ўваходзіць у склад міжнароднай групы A1 Group, якая, у сваю чаргу, з’яўляецца еўрапейскім падраздзяленнем транснацыянальнага холдынга América Móvil, аднаго з найбуйнейшых сусветных правайдараў тэлекамунікацыйных паслуг са штаб-кватэрай у Мексіцы.
Сёння А1 – адзін з прызнаных лідараў беларускага рынку тэлекамунікацыйных паслуг. Гэты факт пацвярджаецца як вынікамі незалежных выпрабаванняў паказнікаў якасці, так і выбарам спажыўцоў. Пацвярджэннем апошняга стала перамога кампаніі адразу ў дзвюх намінацыях прэміі «Нумар адзін»: А1 стаў «Мабільным аператарам №1» і «Інтэрнэт-аператарам №1» паводле вынікаў адкрытага анлайн-галасавання.