Кампанія А1 атрымала ўзнагароду за паспяховае развіццё Яндэкс 360 на беларускім рынку

Кампанія А1 атрымала ўзнагароду за развіццё міжнароднага бізнесу ў рамках штогадовай канферэнцыі Partner Conf’24. На ёй былі адзначаныя дасягненні і самыя заўважныя праекты партнёраў Яндэкс 360 на розных рынках.

А1 прадэманстраваў максімальную эфектыўнасць на беларускім рынку, забяспечыўшы найбольшую колькасць падключэнняў замоўцаў да сэрвісу сярод усіх партнёраў Яндэкс 360 у рэспубліцы. Сярод фактараў, якія забяспечылі А1 дасягнуты поспех, арганізатары адзначылі сістэмны падыход да запуску платформы: пачынаючы з якаснай падрыхтоўкі спецыялістаў па продажам і тэхнічнага персаналу і заканчваючы аператыўнай наладкай бізнес-працэсаў для дапамогі кліентам у атрыманні доступу да сэрвісу, кансультацыйнай і тэхнічнай падтрымкі.

А1 пачаў прадастаўленне доступу да паслугі Яндэкс 360 для бізнесу ў красавіку 2024 года. Дадзены сэрвіс азначае арганізацыю віртуальнага офіса з поўным наборам інструментаў для эфектыўнага вядзення бізнесу паводле падпісной мадэлі: поштай, дыскам для захоўвання і сумеснага анлайн-рэдагавання файлаў, месенджарам, календаром, сэрвісам для рассылак, а таксама магчымасцю арганізацыі відэазванкоў без абмежаванняў па часе. Кошт доступу на аднаго чалавека ў межах падпіскі стартуе ад 9 рублёў у месяц у залежнасці ад выбранага тарыфнага плана.

Усе сэрвісы лёгка маштабуюцца і адаптуюцца з улікам мэт і патрэбаў кожнага канкрэтнага бізнесу. Працаваць у іх можна з любой прылады: камп’ютара, планшэта, тэлефона. Пры гэтым рашэнне прапануе шырокі набор прылад адміністравання (у тым ліку прагляд справаздач, кіраванне правамі доступу да тых ці іншых рэсурсаў для кожнага асобнага супрацоўніка, вылучэнне ім уласнага аб’ёму прасторы на дыску і г. д.). Акрамя таго, сэрвісы Яндэкс 360 для бізнесу можна інтэграваць па API ў іншыя прадукты і праграмы.