Да Дня абароны дзяцей А1 і Беларускі дзіцячы фонд падвялі першыя вынікі сумеснага праекта па забеспячэнні бяспекі дзяцей у інтэрнэце
Кампанія А1 у партнёрстве з Беларускім дзіцячым фондам завяршыла серыю сустрэч першага патоку Клуба адказных інфлюенсераў «Ты ў сеціве» — ініцыятывы, скіраванай на абарону дзяцей і падлеткаў у анлайн-прасторы. На працягу пяці тэматычных сустрэч у красавіку і маі 2025 года беларускія блогеры абмяркоўвалі з экспертамі пытанні лічбавай бяспекі, адказнасці ў анлайн-камунікацыі і ўплыву кантэнту на дзіцячую аўдыторыю ў сацсетках.
Ініцыятыва стала працягам маштабнай інфармацыйнай кампаніі #Падумайце5секунд, якую А1 рэалізуе для абароны беларусаў ад махлярства і павышэння лічбавай граматнасці найбольш уразлівых груп, у тым ліку дзяцей і падлеткаў. Стварэнне Клуба дазволіла аб'яднаць намаганні бізнесу, грамадскіх арганізацый і інфлюенсераў для фарміравання пазітыўнага і бяспечнага анлайн-асяроддзя.
У першым патоку прынялі ўдзел 25 блогераў, сумарная аўдыторыя якіх складае больш за 8 мільёнаў падпісчыкаў. Гэта лідэры меркаванняў, якія працуюць у моладзевых і lifestyle-кірунках, якія ствараюць навучальны кантэнт, інтэрв'ю і вулічныя апытанні.
Фармат сустрэч – інтэрактыўныя суботнія бранчы ў офісе А1 – дазволіў стварыць атмасферу даверных зносін для дыскусій і абмену вопытам. Тэмы сустрэч ахоплівалі шырокі спектр лічбавых выклікаў:
- Лічбавы дабрабыт і псіхічнае здароўе;
- Уплыў сацыяльных сетак на дзяцей і падлеткаў;
- Злачынствы ў інтэрнэце і анлайн-пагрозы;
- Этыка рэкламных інтэграцый і аўтарскае права ў інтэрнэце;
- Тэхналагічныя аспекты лічбавай бяспекі.
«Стварэнне Клуба адказных інфлюенсераў «Ты ў сеціве» – гэта важны крок у бок дыялогу паміж пакаленнямі. Падлеткі давяраюць блогерам, а значыць, з іх дапамогай мы можам казаць пра бяспеку, падтрымку і ўсвядомленасць у лічбавай прасторы. Ініцыятыва дапамагае фарміраваць не проста веды, а каштоўнасці — у даступнай і блізкай для моладзі форме», — адзначыла старшыня праўлення Беларускага дзіцячага фонду Людміла Кандрашова.
Па завяршэнні сустрэч удзельнікі Клуба адказных інфлюенсераў пачалі пераглядаць падыходы да кантэнту, звяртаць больш увагі на лічбавую бяспеку сваёй аўдыторыі і дзяліцца інсайтамі з падпісантамі. На сайце праекта influence.a1.by ужо цяпер даступныя візуальныя нататкі, фотагалерэя і відэасправаздача, якія адлюстроўваюць ключавыя ідэі праграмы.
«Клуб адказных нфлюенсераў «Ты ў сеціве» — адзін з крокаў у рэалізацыі ESG-стратэгіі кампаніі А1, у рамках якой брэнд імкнецца не толькі прадастаўляць надзейную сувязь, але і ствараць умовы для бяспечнай і этычнай прысутнасці ў лічбавым асяроддзі. Сумесна з Беларускім дзіцячым фондам А1 працягвае фарміраваць культуру адказнага ўплыву, асабліва важную для будучых пакаленняў», — адзначылі ў кампаніі А1.
А1 працягне працу ў гэтым кірунку і плануе запуск новага патоку Клуба. Інфлюенсеры і блогеры, якія жадаюць далучыцца да ініцыятывы, могуць падаць заяўку на ўдзел на сайце праекта.