Кіберрэальнасць як сучаснасць: у Мінску адбылася чацвёртая канферэнцыя A1 Tech Day
25 лістапада ў Мінску адбылася штогадовая канферэнцыя A1 Tech Day, арганізаваная правайдарам тэлекам-, ІКТ- і кантэнт-паслуг А1. Ужо чацвёрты раз запар мерапрыемства для прафесіяналаў у сферы тэхналогій і інавацый збірае прадстаўнікоў бізнесу, профільных дзяржаўных ведамстваў і распрацоўнікаў IT-рашэнняў для сумеснага абмеркавання самых адчувальных пытанняў лічбавай трансфармацыі. Сёлета на працягу дня A1 Tech Day наведалі больш за 1200 чалавек.
Галоўная тэма сёлета была заяўлена як Cyber Reality. Тэхналогіі, якія яшчэ некалькі гадоў таму разглядаліся ў якасці перспектыўных інавацый, сёння літаральна фарміруюць навакольную рэальнасць і ўплываюць на ўсе яе сферы, уключаючы бізнес. Таму, як зрабіць гэту рэальнасць эфектыўнай, зразумелай і бяспечнай, у значнай ступені былі прысвечаны і выступы спікераў, і абмеркаванні ў рамках нэтворкінг-сесій.
Адкрыў А1 Tech Day першы намеснік міністра сувязі і інфарматызацыі Рэспублікі Беларусь Павел Ткач, які выступіў перад удзельнікамі канферэнцыі з вітальным словам, адзначыўшы А1 за высокі ўзровень арганізацыі канферэнцыі, якая ўжо стала традыцыйнай. Таксама Павел Ткач акцэнтаваў, што разам з перспектывамі, якія нясуць з сабой тэхналагічныя інавацыі, важна ўмець улічваць і прадухіляць магчымыя рызыкі, а любыя прынятыя рашэнні павінны не замяняць, а дапаўняць чалавека і яго прафесійныя кампетэнцыі:
«Сучасныя інфармацыйныя тэхналогіі робяць наша жыццё прасцейшым: дазваляюць бізнесу расці, ахове здароўя – ствараць новыя віды лекаў, адукацыі – быць больш даступнай. Але пры гэтым мы мусім разумець, што яны гэта найперш інструмент, а чалавек, яго каштоўнасці, правы і інтарэсы заўсёды стаяць вышэй за камп’ютарныя алгарытмы».
Гэтую ідэю развіў у сваім выступе і намеснік генеральнага дырэктара кампаніі А1 па камерцыйных пытаннях Юрый Ляўданскі. Паводле яго слоў, новая кіберрэальнасць і трансфармацыя бізнесу пад уплывам лічбавых тэхналогій – ужо не проста здзейснены факт, але і залог паспяховай сучаснасці для многіх кампаній.
«Сёння галоўнай рухальнай сілай развіцця бізнесу робяцца не яго маштабы, не аб’ёмы капіталу, а хуткасць, з якой ён рэагуе на змены. Усё часцей пераможцам аказваецца той, хто раней за іншых адаптуецца да новай рэальнасці, хто ўмее хутка выводзіць новыя прадукты, праводзіць змены ўнутры сваёй арганізацыі. Гэтую хуткасць часцяком забяспечваюць штучны інтэлект і іншыя сучасныя інфармацыйныя тэхналогіі. Яны з кожным днём робяцца не толькі разумнейшымі, але і даступнейшымі: тое, што яшчэ пяць гадоў таму маглі дазволіць сабе толькі тэхналагічныя гіганты, сёння робіцца паўсядзённай практыкай для ўсіх ахвотных. І менавіта таму бізнес сёння мае патрэбу ў адзінай лічбавай стратэгіі, нарошчванні кампетэнцый і павышэнні лічбавай сталасці, каб ператварыць штучны інтэлект і іншыя актуальныя тэхналогіі ў паўнавартасны інструмент для росту і развіцця», – адзначыў Юрый Ляўданскі.
Праграма канферэнцыі была падзелена на тры блокі: «Інфармацыйныя тэхналогіі», «Інфармацыйная бяспека» і «Штучны інтэлект». У кожным з іх запрошаныя эксперты дзяліліся актуальнымі данымі і практычнымі кейсамі, абмяркоўвалі са слухачамі важныя аспекты ўкаранення тых ці іншых рашэнняў – ад тыповых памылак і праблем да ацэнкі рызыкі і спосабаў іх пазбегнуць.
Удзельнікамі A1 Tech Day-2025 былі больш за 1200 чалавек – такім чынам, канферэнцыя па гэтым паказніку ў чарговы раз перасягнула ўласнае леташняе дасягненне. Іх чакала не толькі насычаная дзелавая праграма, але і магчымасць задаць пытанні экспертам, абмяняцца меркаваннямі з калегамі, наладзіць дзелавыя кантакты і атрымаць каштоўны практычны досвед ад лідараў галіны.
Тэхналагічнымі партнёрамі A1 Tech Day сталі Kaspersky, Яндекс 360, True Conf, Yealink, UserGate, S-Crypto і Falcongaze.
Інфармацыйную падтрымку ў правядзенні канферэнцыі аказвалі вядучыя інфармацыйныя рэсурсы Беларусі – БелТА, Onliner, Myfin, Точка, OfficeLife, Probusiness, ProDelo, Смартпрэс, KV.by, АіФ, Белрытэйл, Эканамічная газета, ITnews.pro.