А1 значна паляпшае якасць работы сеткі ў маланаселеных раёнах і сельскай мясцовасці за кошт тэхналогіі RAN Sharing

А1 пачаў эксплуатацыю тэхналогіі RAN Sharing, якая ўпершыню выкарыстоўваецца для дыяпазону частот 900 МГц. Яе прымяненне дасць магчымасць у сціслыя тэрміны і з мінімальнымі працавыдаткамі палепшыць якасць сеткі ў аддаленых ад буйных населеных пунктаў месцах без будаўніцтва новых базавых станцый.

За кошт выкарыстання RAN Sharing кампанія А1 атрымала магчымасць удвая павялічыць тэмпы запуску новых базавых станцый у сваёй сетцы. Гэта дае магчымасць забяспечыць упэўнены прыём сігналу і доступ да высакахуткаснага мабільнага інтэрнэту ў тым ліку ў маланаселеных раёнах і сельскай мясцовасці.

Тэхналогія RAN Sharing дазваляе розным кампаніям, якія надаюць паслугі мабільнай сувязі, сумесна выкарыстоўваць свае сеткі радыёдоступу. Такім чынам, два ці некалькі аператараў могуць дзяліцца адзін з адным сеткавай інфраструктурай, уключаючы базавыя станцыі. Гэта дазваляе ў разы паскорыць разгортванне сетак мабільнай сувязі і палепшыць якасць пакрыцця ў маштабах краіны ці асобных рэгіёнаў. Калі працэс будаўніцтва ўласных базавых станцый займае гады і патрабуе значных капітальных укладанняў, то дзякуючы сумеснаму доступу тэрмін запуску новых вышак скарачаецца да некалькіх месяцаў.

Змены ў першую чаргу закрануць дыяпазон частот 900 МГц – менавіта ён забяспечвае большы радыус дзеяння базавых станцый, што адыгрывае важную ролю ў сельскай мясцовасці з нізкай шчыльнасцю насельніцтва. Акрамя таго, радыёсігнал на гэтай частаце лепш пранікае скрозь рознага роду перашкоды, якія экраніруюць, што дазваляе забяспечыць высокую якасць сігналу нават на тэрыторыях са складаным ландшафтам ці ва ўмовах высакашчыльнай забудовы. У найбольшай ступені вынікі новаўвядзення змогуць адчуць жыхары Брэсцкай, Віцебскай і Гродзенскай абласцей.

Першую фазу праекта па запуску базавых станцый з выкарыстаннем тэхналогіі RAN Sharing А1 плануе завяршыць да канца гэтага года уключэннем больш за 350 новых сот.