А1 удвая пашырыў спіс кароткіх дабрачынных нумароў
Кампанія А1 больш чым удвая пашырыла спіс кароткіх дабрачынных нумароў. Цяпер абаненты кампаніі маюць магчымасць ахвяраваць сродкі на карысць 29 беларускіх дабрачынных фондаў і арганізацый, а таксама падтрымаць медыкаў у барацьбе з COVID-19. Зрабіць перавод можна праз дадатак A1 banking, а таксама пры дапамозе USSD-запыту або адпраўкі SMS на кароткі нумар. Камісія за пералічэнне сродкаў не спаганяецца.
Здзейсніць ахвяраванне праз дадатак A1 banking можна ў раздзеле «Дабро», выкарыстоўваючы сродкі любой прывязанай да акаўнта банкаўскай карты або спісаўшы суму з балансу абаненцкага нумара. Максімальная сума ахвяравання з балансу нумара складае 100 рублёў у месяц. Магчымасць пералічыць грашовыя сродкі з банкаўскай карты ў дадатку A1 banking даецца абанентам усіх мабільных аператараў Беларусі.
Пры адпраўцы SMS на спецыяльны кароткі нумар дабрачынны ўзнос спісваецца з балансу абаненцкага нумара, але з'яўляецца фіксаваным і складае 2 рублі. Адпраўляючы USSD-запыт, карыстальнік можа выбраць адну з трох сум – 2 рублі, 5 рублёў або 10 рублёў.
Пералічыць грашовыя сродкі з балансу абаненцкага нумара могуць абаненты ўсіх тарыфных планаў A1 для фізічных асоб (акрамя лінейкі «ПРЫВІТАННЕ»). Абаненцкі нумар пры гэтым павінен быць актыўным – з доступам да выходных выклікаў, адпраўкі SMS і мабільнага інтэрнэту. Пасля завяршэння аперацыі абанент атрымлівае апавяшчэнне, якое пацвярджае спісанне сродкаў.
Кампанія А1 дала абанентам магчымасць ажыццяўляць ахвяраванні на кароткія дабрачынныя нумары ў 2019 годзе. У красавіку 2020 года па ўзгадненні з Міністэрствам аховы здароўя Рэспублікі Беларусь А1 адкрыла спецыяльны нумар у дапамогу медыкам, якія змагаюцца з эпідэміяй COVID-19. Дапамагчы ім таксама можна трыма спосабамі: адправіўшы SMS на спецыяльны кароткі нумар 219, праз USSD-запыт *222*19# ці праз дадатак A1 banking. Усе сродкі, пералічаныя абанентамі А1, пераводзяцца на рахунак дзяржаўнай установы «Рэспубліканскі цэнтр арганізацыі медыцынскага рэагавання».
Поўны спіс дабрачынных фондаў і арганізацый размешчаны на сайце А1.