А1 узяў удзел у праекце па арганізацыі доступу да прагляду найлепшых беларускіх мастацкіх фільмаў у цягніках Беларускай чыгункі

Анлайн-кінатэатр VOKA разам з Беларускай чыгункай, Міністэрствам культуры Рэспублікі Беларусь і «Беларусьфільмам» пашырылі калекцыю фільмаў, якія пасажыры Беларускай чыгункі могуць глядзець прама ў цягніках. Цяпер ім даступныя адразу некалькі культавых карцін беларускага кінематографа для прагляду ў дарозе бясплатна і без выкарыстання мабільнага інтэрнэту.

Ужо цяпер у цягніках Беларускай чыгункі даступныя да прагляду 20 фільмаў, адабраных VOKA разам з «Беларусьфільмам» адмыслова для медыясервера, які дае магчымасць глядзець кіно падчас падарожжаў: экранізацыя рамана Уладзіміра Караткевіча «Дзікае паляванне караля Стаха», культавая камедыя 1980-х «Белыя Росы», ваенная драма «У жніўні 44-га», дакументальнае кіно «Марк Шагал. Нерэальная рэальнасць», дзіцячы мюзікл «Прыгоды Бураціна» і іншыя.

Медыясервер працуе ў цягніках міжрэгіянальных ліній бізнес-класа, якія злучаюць Мінск з абласнымі цэнтрамі Беларусі. Каб скарыстацца новай паслугай, неабходна падключыцца да WiFi цягніка ў інтэрнэт-браўзеры свайго смартфона, планшэта ці ноўтбука, перайсці па спасылцы media.rw.by і выбраць упадабаны кантэнт.

Дзякуючы тэхнічнаму рашэнню сэрвісу, пабудаванага на базе платформы VOKA, пасажырам даступны пастаянны прагляд без паўз і завісанняў, бо ўсе фільмы загружаны на медыясерверы ў цягніках і не залежаць ад наяўнасці доступу да інтэрнэту. Агулам на платформу загружана больш за тысячу адзінак кантэнту розных жанраў – ад вядомых фільмаў і серыялаў да музычных кліпаў. Акрамя таго, напаўненне медыясервера перыядычна абнаўляецца і папаўняецца новымі карцінамі, каб кожны пасажыр знайшоў сабе забаву да смаку.

Падрабязная інструкцыя па падключэнні размешчана на спінках пасажырскіх сядзенняў.