А1 забяспечыў SIM-картамі для працы беларускага сегмента адзінай сістэмы транзіту ЕАЭС

Кампанія А1 забяспечыць перадачу даных пры стварэнні нацыянальнай сістэмы адсочвання міжнародных транзітных перавозак тавараў з выкарыстаннем навігацыйных прылад па тэрыторыі Рэспублікі Беларусь.

У рамках рэалізацыі праекта ў адрас нацыянальнага аператара беларускага сегмента адзінай сістэмы транзіту Еўразійскага эканамічнага саюза (ЕАЭС) – ТДА «Белнафтагаз» – было пастаўлена некалькі тысяч SIM-карт, якія будуць выкарыстоўвацца ў навігацыйных прыладах для пламбавання грузавога транспарту.

Электронныя пломбы з дапамогай SIM-карт А1 будуць падключаныя да сістэмы, дзякуючы чаму ўся інфармацыя пра стан грузаў і маршрут іх перасоўвання будзе адсочвацца ў рэжыме рэальнага часу.

SIM-карты А1 у электронных пломбах забяспечваюць перадачу даных у лічбавае ядро сістэмы прасочвальнасці транзіту – платформу STIGMA. Інтэграцыя нацыянальнай сістэмы і аналагічных рашэнняў, якія ўжываюцца ў іншых краінах ЕАЭС, дазволіць забяспечыць узаемадзеянне паміж сістэмамі мытных органаў і тым самым паскорыць праходжанне мытнага кантролю, а таксама перамяшчэнне грузаў праз межы.