А1 атрымаў Гран-пры першай у Беларусі ESG-прэміі за сістэмны ўнёсак ва ўстойлівае развіццё
Кампанія А1 стала ўладальнікам галоўнай узнагароды першай у Беларусі ESG-прэміі STELLAR. Гран-пры прысуджаны за комплексную інтэграцыю прынцыпаў экалагічнай, сацыяльнай адказнасці і высокіх стандартаў кіравання (ESG) ва ўсе бізнес-працэсы кампаніі. Прэмія заснавана кампаніяй «АЎТАІДЭЯ» – афіцыйным дылерам BMW і MINI у Беларусі – пры падтрымцы Міністэрства працоўных рэсурсаў і аховы навакольнага асяроддзя Рэспублікі Беларусь.
Цырымонія ўзнагароджання пераможцаў прэміі STELLAR, накіраванай на дасягненне Мэт устойлівага развіцця Беларусі, адбылася ў Мінску. Прэмія адзначае найлепшыя практыкі бізнесу ў сферы экалогіі, сацыяльнай палітыкі і празрыстасці карпаратыўнага кіравання.
Для А1 прынцыпы ESG з’яўляюцца стратэгічным прыярытэтам і асновай доўгатэрміновага развіцця. Партфель праектаў кампаніі ў галіне ўстойлівага развіцця носіць комплексны характар і ўключае дзясяткі ініцыятыў.
У сферы экалогіі кампаніі рухаецца да амбіцыйных мэт, сярод якіх — дасягнуць вугляроднай нейтральнасці да 2030 года. Паралельна А1 рэалізуе бягучыя «зялёныя» ініцыятывы. Акрамя праграм па азеляненні тэрыторый і ўстаноўцы велапарковак, А1 укараняе энергазберагальныя тэхналогіі на сетцы, развівае праекты па паўторным выкарыстанні і перапрацоўцы абсталявання (напрыклад, уласная сістэма збору старых гаджэтаў), а таксама прасоўвае лічбавыя рашэнні, якія скарачаюць папяровы дакументаабарот.
Сацыяльныя праекты А1 вядомы на нацыянальным узроўні. Гэта не толькі «Інклюзіўныя кавярні» ў А1 і дабрачынны фестываль «У адным рытме з А1», але і маштабная праграма па павышэнні лічбавай пісьменнасці #яанлайн для людзей старэйшага ўзросту, агульнанацыянальная інфармацыйная кампанія па абароне беларусаў ад махляроў #Падумайце5секунд, а таксама падтрымка дзіцячых і адукацыйных ініцыятыў.
У галіне карпаратыўнага кіравання А1 робіць акцэнт на празрыстасці, этыцы і лічбавізацыі, безумоўна трымаючыся прынцыпаў Compliance. Кампанія ўкараняе перадавыя практыкі кібербяспекі для абароны даных кліентаў, развівае адказны ланцужок паставак і забяспечвае высокія стандарты абароны правоў супрацоўнікаў, спрыяючы іх прафесійнаму і асабістаму росту.
Такім чынам, устойлівае развіццё ў А1 – гэта ўзаемазвязаная сістэма, у якой экалагічныя ініцыятывы ўзмацняюць сацыяльны эфект, а адказнае кіраванне стварае аснову для іх паспяховай рэалізацыі.
«Мы ўсведамляем, што наша роля выходзіць далёка за рамкі аказання паслуг, – адзначылі ў А1. – ESG – гэта драйвер сучаснага бізнесу, і мы рады, што нашы сістэмныя намаганні атрымалі найвышэйшую ацэнку на першай нацыянальнай платформе, якая аб’ядноўвае аднадумцаў у імкненні да ўстойлівай будучыні. Для нас экалагічнасць, інклюзіўнасць і адказнасць – гэта рэальныя практыкі, а не проста словы».
Місія прэміі – паскорыць рэалізацыю Мэт устойлівага развіцця ў Беларусі, падтрымліваючы кампаніі, якія вядуць дзейнасць у гармоніі з прыродай, грамадствам і прынцыпамі адказнага кіравання. Заснаванне STELLAR сведчыць пра станаўленне ў краіне адкрытай пляцоўкі для прызнання і прасоўвання найлепшых ESG-практык.