А1 падводзіць ESG-вынікі 2025 года: мільён хвілін дабра, тысячы перапрацаваных гаджэтаў, 5 гадоў «Інклюзіўным кавярням»
Напярэдадні Новага года ў Беларусі ўпершыню ўручылі ESG-прэмію, якая адзначае лідэрства кампаній у экалагічнасці, сацыяльнай адказнасці і празрыстасці карпаратыўнага кіравання. Галоўную ўзнагароду за сістэмны і паслядоўны падыход атрымала кампанія А1. Успамінаем ключавыя ESG-ініцыятывы А1, якія ў 2025 годзе запомніліся многім беларусам.
Кампанія A1 Беларусь уваходзіць у міжнародную тэлекамунікацыйную групу A1 Group, якая ў сваю чаргу з 2014 года з'яўляецца еўрапейскім падраздзяленнем транснацыянальнага холдынгу América Móvil, аднаго з найбуйнейшых сусветных правайдэраў тэлекамунікацыйных паслуг са штаб-кватэрай у Мексіцы, выбудоўвае сістэмную і доўгатэрміновую ESG-стратэгію, інтэгруючы прынцыпы ўстойлівага развіцця ў аснову сваёй бізнес-мадэлі.
А1 паслядоўна развівае экалагічныя ініцыятывы, якія ўцягваюць усё больш беларусаў у адказную ўтылізацыю тэхнікі, фарміруюць карысныя эказвычкі і заахвочваюць удзельнікаў каштоўнымі прызамі. Так, у 2025 годзе ў рамках ініцыятывы «Эка Двіж. Зялёны сезон» больш за 2 000 чалавек перадалі ў крамы кампаніі па ўсёй краіне звыш 13 500 непатрэбных гаджэтаў на бяспечную ўтылізацыю. Адначасова валанцёры-супрацоўнікі А1 высадзілі 13 500 маладых дрэў у ваколіцах вёскі Акінчыцы (Стаўбцоўскі раён). Тым самым «Эка Двіж» аб'яднаў адразу два важныя складнікі – адказную ўтылізацыю тэхнікі і аднаўленне лясоў.
Пытанне зніжэння вугляроднага следу кампанія вырашае і ў сферы карпаратыўнай мабільнасці: аўтапарк А1 паступова пераходзіць на экалагічны транспарт. На канец 2025 года ён уключаў 46 электрамабіляў і 6 гібрыдаў, што істотна скарачае выкіды CO2 пры службовых паездках.
У энергазберажэнні кампанія робіць стаўку на аднаўляльныя крыніцы: каля 25% гадавога спажывання электраэнергіі А1 забяспечвае ўласная сонечная станцыя ў Брагіне. Вопыт выкарыстання чыстай энергіі кампанія прасоўвае і ў гарадскім асяроддзі – у Баранавічах на вуліцы Гагарына ўсталяваны аўтаномны прыпынак на сонечных панэлях з аўдыяінфарматарам для людзей з парушэннямі зроку.
Клуб адказных інфлюенсераў і спартыўна-дабрачынны фестываль
Кожны год А1 рэалізуе дзясяткі праектаў у сферы ўстойлівага развіцця, і асаблівую ўвагу кампанія надае сацыяльным ініцыятывам. Адным з ключавых кірункаў у гэтай галіне застаецца лічбавая бяспека – важны элемент адказнасці перад кліентамі і грамадствам. У 2025 годзе А1 працягнуў развіваць агульнанацыянальную інфармацыйную кампанію #Падумайце5секунд, скіраваную на павышэнне дасведчанасці аб кіберпагрозах і метадах іх прадухілення. Больш за 130 чалавек у Мінску і Гомелі прайшлі тры афлайн навучання ад супрацоўнікаў А1, дзе даведаліся, як абараніць сябе ад махляроў і бяспечна карыстацца лічбавымі сэрвісамі.
А1 у партнёрстве з Беларускім дзіцячым фондам і ЮНФПА распрацаваў праграму для абароны дзяцей і падлеткаў у лічбавым асяроддзі і стварыў Клуб адказных інфлюенсераў «Ты ў сеціве», каб аб'яднаць беларускіх лідараў меркаванняў, на якіх арыентуецца моладзь у сацыяльных сетках, і зрабіць інтэрнэт больш бяспечнай і камфортнай прасторай.
Адбылося 9 сустрэч з экспертамі, у якіх прынялі ўдзел 45 блогераў з сумарным ахопам звыш 13 000 000 чалавек. У рамках гэтай праграмы А1 сумесна з БДФ таксама распрацаваў памятку з асноўнымі правіламі інтэрнэт-бяспекі і зрабіў яе даступнай для запампоўкі на сайце safety.a1.by, а пашыраную версію распаўсюдзіў праз сетку дзіцячых устаноў, што падтрымлівае фонд.
Сумесна з ЮНФПА і прыкладаннем MAMA PAPA PRO А1 таксама запусціў праект для бацькоў «Сям'я на сувязі» – доступ да адукацыйных анлайн-курсаў і гульняў, які дазваляе мамам і татам выкарыстоўваць мабільныя тэхналогіі так, каб знаходзіць радасць у паўсядзённых зносінах з дзіцём.
Адным з найбольш яркіх і прыкметных праектаў года стаў спартыўна-дабрачынны фестываль «У адным рытме з А1: Хвіліны дабра». У 2025 годзе ён аб'яднаў удзельнікаў дзеля агульнай мэты — сабраць 1 000 000 хвілін актыўнасці, якія ператварыліся ў рэальную дапамогу падапечным Беларускага дзіцячага фонду. Больш за 3 500 чалавек фіксавалі час сваіх трэніровак на анлайн-платформе, затым — на пляцоўках Нацыянальнага футбольнага стадыёна ў Мінску.
Карпартыўнае кіраванне і дабрачыннасць
А1 працягвае ўдасканальваць карпаратыўнае кіраванне праз празрыстасць, этыку, цыфравізацыю і захаванне прынцыпаў Compliance. Кампанія ўкараняе перадавыя практыкі кібербяспекі для абароны дадзеных кліентаў, развівае адказны ланцужок паставак і забяспечвае высокія стандарты абароны правоў супрацоўнікаў, спрыяючы іх прафесійнаму і асобаснаму росту.
Прытрымліванне прынцыпам экалагічнай, сацыяльнай адказнасці і высокіх стандартаў кіравання ва ўсіх працэсах кампаніі дазваляе А1 сістэмна спалучаць бізнес-задачы з адказнасцю перад людзьмі і дамагацца ўстойлівых вынікаў у доўгатэрміновай перспектыве, што і было адзначана першай у Беларусі ESG-прэміяй STELLAR. Як эксперт у гэтай тэме А1 таксама выступіў партнёрам і спікерам па ESG і ўстойлівым бізнесе сямі прафесійных форумаў.
Пры падтрымцы А1 адбыліся і два вялікія футбольныя святы клуба «А1 Юніёр», а таксама 28 спектакляў інклюзіў-тэатра «i», якія паглядзела больш за 8 500 гледачоў.
Адзін з самых цёплых сацыяльных праектаў А1 – «Інклюзіўныя кавярні» – сёлета адзначыў пяцігоддзе. Сёння ў сетцы працуюць 12 супрацоўнікаў з інваліднасцю, якія за мінулы год падрыхтавалі тысячы кубкаў духмянай кавы для гасцей. Праект актыўна ўдзельнічаў у гарадскіх фестывалях: барыста не толькі частавалі наведвальнікаў напоямі, але і дзяліліся важнай ідэяй інклюзіі.
Таксама ў 2025 годзе больш за 40 арганізацый атрымалі спонсарскую падтрымку ад А1, уключаючы ўстановы, якія аказваюць дапамогу дзецям і сем'ям, сацыяльныя ўстановы для людзей старэйшага ўзросту і людзей з інваліднасцю, медыцынскія ўстановы.