А1 і Visa заключылі пагадненне аб стратэгічным партнёрстве з мэтай развіцця лічбавых фінансавых сэрвісаў
Кампанія А1 і Visa аб'явілі аб падпісанні доўгатэрміновага пагаднення аб стратэгічным партнёрствам. Гэты крок дазволіць яшчэ імклівей развіваць лічбавыя фінансавыя сэрвісы ў Беларусі, а таксама пашырыць магчымасці карыстальнікаў дадатку А1 banking за кошт укаранення новых высокатэхналагічных опцый.
Кампанія А1 і Visa аб'явілі аб падпісанні доўгатэрміновага пагаднення аб стратэгічным партнёрствам тэрмінам на 5 год з магчымасцю працягу. Вынікам рэалізацыі партнёрскай кааперацыі стане пашырэнне пераліку фінансавых паслуг дадатку А1 banking, уключаючы прапанову інавацыйных для Беларусі прадуктаў. Таксама ў рамках стратэгічнага супрацоўніцтва прапрацоўваецца выхад у прэміяльны сегмент з магчымасцю індывідуалізацыі рашэнняў.
«Перш за ўсё A1 вядомы ў Беларусі як правайдар тэлекамунікацыйных, ІКТ- і кантэнт-паслуг, але акрамя іх кампанія таксама прапануе фінансавыя сэрвісы і прадукты. І ва ўмовах, калі з кожным годам менавіта мабільныя і анлайн-плацяжы становяцца ўсе больш запатрабаваным спосабам разліку, гэты напрамак нашай дзейнасці набывае асаблівае значэнне. Партнёрства з Visa – адной з найбуйнейшых плацежных сістэм свету – дазволіць нам аб'яднаць свае магчымасці і абмяняцца вопытам, каб разам прапаноўваць на тэрыторыі Беларусі ўніверсальныя і высокатэхналагічныя фінансавыя прадукты, якія адпавядаюць сучасным міжнародным стандартам», – падкрэсліў намеснік генеральнага дырэктара па фінансавых пытаннях кампаніі А1 Ёханес Кандэра.
Згодна з данымі справаздачы Digital 2020, 52% карыстальнікаў здзяйсняюць пакупкі анлайн з дапамогай мабільных прылад, што пацвярджае ключавую ролю мабільных плацяжоў у новай рэальнасці. Мабільныя кашалькі ці лічбавыя кашалькі ўсё часцей выкарыстоўваюцца спажыўцамі, якія абіраюць зручнасць, бяспеку і спрошчаны працэс аўтэнтыфікацыі. Для здзяйснення плацяжу карыстальніку не трэба ўводзіць інфармацыю па карце на вэб-сайтах ці перадаваць касірам карту для аплаты, што дазваляе пазбегнуць узаемадзеяння з іншымі прадметамі і заставацца ў бяспецы, выкарыстоўваючы асабісты смартфон.
«Актыўнае развіццё інавацыйных тэхналогій кардынальна змяняе бізнес і карыстальніцкі вопыт. Калі да нядаўняга часу ключавымі драйверамі карыстання мабільнымі плацяжамі былі міленіялы і пакаленне Z, то цяпер тэндэнцыя становіцца папулярнай сярод іншых пакаленняў, дзякуючы чаму развіццё m-commerce адбываецца імклівей, чым чакалася: да 2024 года аб'ём глабальнага рынку мабільных плацяжоў можа перавысіць $3,081 млрд . Партнёрства з А1 з'яўляецца важным крокам у развіцці плацежнай экасістэмы ў Рэспубліцы Беларусь. Наша задача – падзяліцца сваёй перспектывай і дапамагчы тэхналагічна ажыццяўляць плацежныя рашэнні гібкім, надзейным і бяспечным спосабам. Спадзяёмся, што такое супрацоўніцтва дасць істотны імпульс да дзіджыталізацыі і яшчэ большаму росту безнаяўнай эканомікі», – адзначыла рэгіянальны менеджар Visa у Беларусі, Украіне і Малдове Святлана Чырва.
На сённяшні дзень бясплатны фінансавы дадатак А1 banking даступны абанентам усіх мабільных аператараў Беларусі. Карыстальнікі могуць здзяйсняць плацяжы без камісіі з любой карты беларускіх банкаў, праводзіць бескантактную аплату смартфонам, а таксама пераводзіць грошы іншым карыстальнікам. У якасці дадатковых опцый – магчымасць аплачваць паліва на сетцы АЗС «Беларуснафта» непасрэдна з дадатку і без неабходнасці ўзаемадзейнічаць з касірам, а таксама магчымасць карыстацца штомесячным лімітам у памеры 100 рублёў для здзяйснення плацяжоў у рамках паслугі «А1 Кашалёк».
Раней у рамках супрацоўніцтва А1, Visa і Банка «Рашэнне» была рэалізаваная магчымасць выпуску віртуальнай карты з кэшбэкам, якая працуе на платформе міжнароднай плацежнай сістэмы Visa. Карыстальнікі А1 banking могуць выпусціць яе непасрэдна ў дадатку, каб здзяйсняць любыя плацяжы ў Беларусі і за мяжой. Акрамя таго, да 30 лістапада 2020 года А1 і Visa праводзяць супольную акцыю «Рулім з віртуальнай картай А1». Яе ўдзельнікі – карыстальнікі дадатку А1 banking – могуць выйграць прызы за бескантактную аплату тавараў і паслуг з выкарыстаннем віртуальнай карты А1.